काठमाडौँ– विश्व स्वास्थ्य सङ्गठन (डब्लुएचओ) का महानिर्देशक डा. टेड्रोस एड्हानोम गेहब्रेयसले नेपाली स्वास्थ्यकर्मीको एउटा भिडियो ट्वीट गर्दै प्रशंसा गरेका छन् ।

कोरोनाविरुद्धको खोपको दोस्रो डोज लगाउने असार १ गतेको तालिका अनुसार मुस्ताङको लेतेतर्फ खोप लिएर गएका स्वास्थ्यकर्मीले स्थानीय छापताङ खोलामा पानीको सतह बढेर आएपछि लामो पाइपको सहाराले खोपको बाकस तारेका थिए ।

सामाजिक संजालमा भाइरल भएको उक्त भिडिओलाई महानिर्देशक टेड्रोसले ट्विट गर्दै स्वास्थ्यकर्मीले यो साहसका साथ जीवनरक्षाका लागि काम गरिरहेको बताएका छन् ।

तर कतिपय स्थानमा यी नायकहरुले अझै खोप लगाउन नपाएको उनको गुनासो छ ।

‘स्वास्थ्यकर्मीहरु जीवनरक्षाका लागि कति टाढासम्म पुगिरहेका छन्,’ महानिर्देशक टेड्रोसले भनेका छन्, ‘धेरै ठाउँमा यी हिरोहरुलाई अझै खोपबाट वञ्चित गर्नु कति न्यायोचित होला ?’

This is how far #healthworkers go to save lives. Is it fair that in many places these heroes have still not been vaccinated?

It is in our power and our duty to do everything we can to deliver #VaccinEquity! If not now, when?https://t.co/Dm1YVbc9uB

— Tedros Adhanom Ghebreyesus (@DrTedros) June 17, 2021