काठमाडौँ– स्मार्ट डिभाइस ब्रान्ड ओपोले लाइसेन्सरका रुपमा एचईभीसी एडभान्स प्याटेन्ट पुलमा प्रवेशको घोषणा गरेको छ ।

यससँगै ओपोको एचईभीसी/एच.२६५ स्ट्यान्डर्ड एसेन्सियल प्याटेन्टहरु एचईभीसी एडभान्स प्याटेन्ट पोर्टफोलियो लाइसेन्स (जसको गणना वर्ल्ड—वाइड प्याटेन्ट अनुसार १३,७०० भन्दा बढी हुनुका साथै थपिने क्रममा छ)मा सम्मिलित भएको छ ।

एक्सेस एडभान्सका प्रमुख कार्यकारी अधिकृत पिटर मोलरले एचईभीसी एडभान्स प्याटेन्ट पूलमा ओपोलाई स्वागत गरेको बताए ।

लाइसेन्सीका रुपमा मात्र नभइ लाइसेन्सरका रुपमा एचईभीसी एडभान्स प्याटेन्ट पुलमा ओपोको प्रवेशले उत्साहित बनाएको पनि उनले बताए ।

यसैगरी, ओपो इन्टेलेक्चुअल प्रोपर्टीका वरिष्ठ निर्देशक एड्लर फेंगले एचईभीसीको एडभान्स प्याटेन्ट पुलमा लाइसेन्सरका रुपमा सम्मिलित हुन पाउँदा निकै खुसी लागेको बताए । उनले भिडियो प्रोसेसिङ क्षेत्रमा ओपोको प्याटेन्ट एक्यूमूलेशन उपलब्धिको प्रतिनिधित्व पनि गरेको बताए ।