ललितपुर– कोरोना संक्रमितहरुका लागि अस्पतालहरुमा अक्सिजनको अभाव भइरहेका बेला कालोबजारी गरेको आरोपमा प्रहरीले तीन जनालाई पक्राउ गरेको छ ।
बुधबार ललितपुर प्रहरीले अक्सिजन सिलिन्डर कालो बजारी गरेको आरोपमा नगदसहित महालक्ष्मीथानबाट तीन जनालाई पक्राउ गरेको हो ।
प्रक्राउ पर्नेमा नुवाकोट विदुर घर भई सातदोबाटो बस्ने रामकृष्ण घिमिरे, मकवानपुर हेटौंडा घर भई लगनखेल बस्ने नवराज खनाल र धादिङ घर भई इमाडोल बस्ने राम शरण अधिकारी छन् । १५ हजार मूल्य पर्ने भरिएको अक्सिजन सिलिन्डर ४१ हजारमा बिक्री गर्न लागेको अवस्थामा उनीहरुलाई पक्राउ गरिएको प्रहरीले जनाएको छ ।
प्रतिक्रिया