काठमाडौँ- ललितपुर महानगरपालिकाले चिनियाँ खोप भेरोसिलको दोस्रो मात्रा जेठ ६ गतेदेखि लगाउन शुरु गरिने भएको छ ।

महानगरले सूचना जारी गरी २९ वटै वडामा खोप केन्द्र सञ्चालन गर्ने जानकारी दिएको हो ।

‘प्रत्येक वडामा खोप केन्द्र सञ्चालन गरी खोप लगाउने व्यवस्था गरेका छौं, खोप लगाउने जाँदा स्वास्थ्य सुरक्षा अपनाएर जान अनुरोध गर्दछु’ महानगर प्रमुख चिरीबाबु महर्जनले भने ।

खोप कार्यक्रम जेठ १३ गतेसम्म बिहान १० देखि अपरान्ह ४ बजेसम्म चल्नेछ ।

कस्को कहिले पालो ?

चैत २५ देखि २८ गतेसम्म पहिलो मात्रा खोप लगाएकाले जेठ ६ गते ।
चैत २९ देखि ३१ गतेसम्म पहिलो मात्रा लगाएकाले जेठ ७ गते ।
वैशाख १ देखि ४ सम्म पहिलो पहिलो डोज लगाएकाले जेठ ९ गते ।
वैशाख ५ देखि ९ गतेसम्म पहिलो डोज लगाएकाको लागि जेठ १० गते ।
वैशाख १० देखि १३ गतेसम्म पहिलो डोज लगाएकाको लागि जेठ ११ को मिति तय गरिएको छ ।
यसैगरी वैशाख १४ गते खोप लगाएकालाई जेठ १२ गते वैशाख १५ गते लगाएकाले जेठ १३ गते खोप लगाउन सक्ने छन् ।

महानगरका प्रमुख प्रशासकीय अधिकृत गणेश अर्यालले आफूलाई पायक पर्ने स्थानमा गई स्वास्थ्य सुरक्षा अपनाएर खोप लिन नगरवासीलाई अनुरोध गरेका छन् । खोप लगाउन जाँदा पहिलोपटक खोप लगाएको खोप कार्ड लिएर जानुपर्नेछ ।