काठमाडौँ – हवाइ इन्धनको मूल्य वृद्धि भएपछि वायु सेवा प्रदायकहरूले पनि हवाइ भाडा बढाउने भएका छन् ।

इन्धनको मूल्य अनुसार फ्युल सरचार्ज कायम हुने व्यवस्था अनुसार भन्दै वायु सेवा कम्पनीहरूले बढेको भाडादर मंगलबारदेखि लागू गर्ने भएका छन् ।

नेपाल आयल निगमले शनिबार इन्धनको मूल्य वृद्धि गरेको थियो ।

नयाँ फ्युल सरचार्ज अनुसार निम्न रूटमा यसप्रकार भाडा वृद्धि हुने नेपाल वायुसेवा सञ्चालन संघले बताएको छ ।

कुन गन्तव्यमा कति बढ्यो ?

काठमाडौँबाट माउन्टेन फ्लाइट – ६५ रुपैयाँ

काठमाडौँ– भद्रपुर – ६० रुपैयाँ

काठमाडौँ– विराटनगर – ५० रुपैयाँ

काठमाडौँ – जनकपुर/ भरतपुर – २५ रुपैयाँ

काठमाडौँ – पोखरा/तुम्लिङटार – ३५ रुपैयाँ

काठमाडौँ– भैरहवा – ४५ रुपैयाँ

काठमाडौँ– नेपालगन्ज – ६५ रुपैयाँ

काठमाडौँ – धनगढी – ८५ रुपैयाँ

काठमाडौँ – सुर्खेत – ७० रुपैयाँ

काठमाडौँ–सीमरा – १५ रुपैयाँ