पोखरा– गण्डकी प्रदेश सभाको विशेष अधिवेशन बोलाइएको छ ।

संसदमा आफूविरुद्ध अविश्वासको प्रस्ताव दर्ता गर्ने तयारी भएपछि मुख्यमन्त्री पृथ्वीसुब्बा गुरुङको सिफारिसमा प्रदेश प्रमुखले गत २ गते राति प्रदेश सभाको हिउँदे अधिवेशन अन्त्य गरेका थिए ।

तर, नेपाली कांग्रेस, नेकपा माओवादी केन्द्र र जनता समाजवादी पार्टीले संवैधानिक व्यवस्थाअनुसार विशेष अधिवेशनको माग गरेका थिए । ।

सोही माग अनुसार प्रदेश प्रमुख अमिक शेरचनले आगामी १३ गते विशेष अधिवेशन डाक्न सिफारिस गरेका हुन् ।

कांग्रेस, माओवादी केन्द्र, जसपा र राष्ट्रिय जनमोर्चाको चार दलीय मोर्चाले बैशाख २ गते मुख्यमन्त्री पृथ्वीसुब्बा गुरुङविरुद्ध अविश्वासको प्रस्ताव दर्ता गरेको थियो ।

आफूविरुद्ध अविश्वासको प्रस्ताव आउने तयारी गरिएपछि मुख्यमन्त्री गुरुङले मध्यरातमा नै अधिवेशन स्थगित गर्न सिफारिस गरेका थिए ।