काठमाडौँ– प्रधानमन्त्री केपी शर्मा ओलीले सोमबार पाटनढोकास्थित पाटन माध्यमिक विद्यालयको पुनःनिर्मित भवनको उद्घाटन गरेका छन् ।

२०७२ सालको भूकम्पले क्षतिग्रस्त बनाएको उक्त विद्यालयको भवन भूकम्प गएको करिब ६ वर्षपछि जापान सरकारको ऋण सहयोगमा पुनःनिर्माण सम्पन्न भएको छ ।

प्रधानमन्त्री ओलीले विद्यालय भवनको उद्घाटन गर्दै पाटन माध्यमिक विद्यालयले नेपालको इतिहासलाई जोडेको बताए । उनले भने, ‘यहाँ गुणस्तरीय शिक्षा उपलब्ध हुनेछ ।’

भवन निर्माण गर्न जापान सरकारले करीब १८ करोढ ३१ लाख रुपैयाँको लागतमा निर्माण सम्पन्न भएको प्राधिकरण जनाएको छ ।

पाटन विद्यालयको स्थापना तत्कालीन प्रधानमन्त्री चन्द्रशमशेरकोले १९८१ सालमा गरेका थिए ।

सुरुमा पाटन दरबारको कोतमा यो विद्यालय स्थापना भएको थियो । वि.स १९९० मा गएको भूकम्पका कारण विद्यालयको भवनमा क्षति पुगेपछि विद्यालयलाई केही समयका लागि लगनखेलमा सारिएको थियो ।

त्यसपछि नयाँ भवन निर्माण गरी पाटनढोकामा सारिएको थियो ।