काठमाडौँ – नेकपा एमालेले पार्टीको विधान विपरित लागेको भन्दै माधव नेपाल समूहका ८ जना नेतालाई स्पष्टीकरण सोध्ने निर्णय गरेको छ ।

बालुवाटारमा अध्यक्ष केपी शर्मा ओलीको अध्यक्षतामा सोमबार बसेको महाधिवेशन आयोजक कमिटीको बैठकले दुई दिने अन्तिम चेतावनी युक्त स्पष्टीकरण सोध्ने निर्णय गरेको हो ।

माधव नेपाल, भीम रावल, घनश्याम भुसाल, सुरेन्द्र पाण्डे, प्रकाश ज्वालालगायत पार्टी विपरित कार्य गर्न लगाउने थप ८ जनालाई दुई दिनको अन्तिम चेतावनीयुक्त स्पष्टीकरण सोध्ने निर्णय गरेको एक नेताले जानकारी दिए ।

कर्णाली प्रदेशमा फ्लोर क्रस गराउन भूमिका खेलेकोलगायतका आरोप उनीहरूविरुद्ध लगाइँएको छ । चित्तबुझ्दो स्पष्टीकरण नदिए नेताहरूलाई वैशाख १० गते बस्ने बैठकले कारवाही गर्ने निर्णय समेत गरेको छ ।

यसअघि ‘२० जनालाई स्पष्टीकरण सोध्ने निर्णय’ भनिएकोमा बैठकले ८ जनालाई सोध्ने निर्णय गरेको जानकारी प्राप्त भएकाले क्षमा याचनासहित सच्याइएको छ । – प्रधान सम्पादक