टाल्स्टाय एक पटक एकदमै साधारण कपडा लगाएर स्टेसनको प्लेटफार्ममा घुमिरहेका थिए ।

एउटी महिलाले उनलाई भरिया ठानेर भनिन्- यो चिठी लिएर अगाडिको होटलमा जानू । त्यहाँ मेरो श्रीमान् बसिरहनुभएको छ । यो उनलाई दिनूँ । म तिमीलाई दुई रुपैयाँ दिन्छु ।

टाल्स्टायले त्यो चिठी पुर्‍याइदिए र दुई रुपैयाँ लिएको मात्र थिए त्यतिबेलै उनका एक साथी त्यहाँ आए र उनलाई ‘काउन्ट’ भनेर अभिवादन गरे ।

यो सुनेर ती महिलालाई आश्चर्य लाग्यो । उनले त्यो नयाँ मान्छेलाई सोधिन्— उहाँ कोहो ?

टाल्सटायको परिचय पाएर ती महिला एकदम लज्जित भइन् र क्षमा माग्दै आफ्नो दुई रुपैयाँ फिर्ता मागिन् ।

टाल्साटायले हाँस्दै भने— देवीजी, मैले काम गरेर पैसा लिएको हुँ । आफ्नो मिहेनतको कमाई किन फिर्ता गरुँ ?

साभारः  ‘विश्वका उत्कृष्ट प्रेरक प्रसङ्गहरु’ पुस्तकबाट