काठमाडौँ– निजगढ विमानस्थलको विकल्प खोज्नुपर्ने भन्दै युवाहरुले काठमाडौंमा प्रदर्शन गरेका छन् ।

उक्त विमानस्थलका लागि ठूलो संख्यामा रुखहरु फडानी गर्नुपर्ने र त्यसले पर्यावरणमा नकारात्मक असर पार्ने भन्दै उनीहरुले निजगढ विमानस्थलको विकल्प खोज्नुपर्ने भन्दै प्रदर्शन गरेका हुन् ।

पर्यावरण जोगाउनका लागि वनजंगल संरक्षण गर्नुपर्ने मागसहित उनीहरुले माइतिघरदेखि बानेश्वरसम्म र्‍यालीको आयोजना गरेका थिए । निजगढको वैकल्पिक समाधान खोजौँ, एयरपोर्टभन्दा वनजंगल नै रोजौँ भन्दै उनीहरुले नारावाजी गरेका थिए ।

उनीहरु ‘हरियो वन कसको धन?, पर्यावरण बचाऊँ’ लगायतका नारा लेखिएका प्लेकार्डहरु बोकेरप्रदर्शनमा सहभागी भएका थिए ।

हेरौँ भिडियो