नयाँ दिल्ली– भारतको पञ्जाव राज्यका मुख्यमन्त्री अमरिन्दर सिंहले पदबाट शनिबार राजीनामा दिएका छन् । सत्तारुढ दल कांग्रेस आईमा विवाद चलिरहेका बेला उनले राजीनामा दिएको भारतीय सञ्चार माध्यमहरुले जनाएका छन् ।

शनिबार कांग्रेस पञ्जाव संसदीय दलको बैठक बस्ने तय भएपछि उनले राजीनामा दिएका हुन् । अमरिन्दर सिंह र हालै पञ्जाव कांग्रेसका अध्यक्ष बनेका नवजोतसिंह सिद्दुबीच विवाद चलिरहेको छ ।

My father submitting his resignation to HE the Governor Sahib of Punjab. pic.twitter.com/RyINJSUeh5

— Raninder Singh (@RaninderSingh) September 18, 2021

२०१४ को आम निर्वाचनमा अमरिन्दरले तत्कालीन भाजपा नेता अरुण जट्लीलाई पारजित गरेपछि उनको चर्चा चुलएिको थियो । त्यसपछि २०१७ को विधानसभा चुनाव कांग्रेस उनकै नेतृत्वमा लडेको थियो र बहुमत पाएको थियो । पञ्जावमा १० वर्षपछि अमरिन्दरले कांग्रेसलाई सत्तामा ल्याएका थिए । एजेन्सी