काठमाडौँ– नेपाली कांग्रेसका पूर्वमहामन्त्री प्रकाशमान सिंहले पार्टीको १४ औँ महाधिवेशनबाट नेपाली जनताको भावना बुझ्ने सक्षम नेतृत्व आउने बताएका छन् । पार्टीभित्र विवाद र अलोकतान्त्रिक गतिविधि बढिरहेको भन्दै विवाद भएका जिल्लामा विधि विधानअनुसार समाधान गर्नुपर्ने उनको भनाइ छ ।

नेता सिंहले सभापति देउवा इतर समूहबाट साझा उम्मेद्वारको सम्भावना अझै नसकिएको भन्दै त्यसका लागि निरन्तर छलफल भइरहेको जानकारी दिए । तर आफू सभापतिको उम्मेवारबाट पछि नहट्ने उनको भनाइ छ । इतर समूहमा सझा उम्मेदवारका लागि छलफल भइरहेको भए पनि निस्कर्ष ननिस्केको उनले बताए । तर आफू जिल्लादेखि केन्द्रसम्म अगाडि बढेको भन्दै सभापतिका लागि आफ्नो उम्मेदवारी उपयुक्त भएको बताए ।

सभापति शेरबहादुर देउवा इतर समूहमा सिंहका साथै वरिष्ठ नेता रामचन्द्र पौडेल, महामन्त्री डा. शशांक कोइराmा र केन्द्रीय सदस्य शेखर कोइराला सभापतिका आकांक्षी छन् ।

सरकारका विषयमा बोल्दै नेता सिंहले सत्ता गठबन्धनका केही दलभित्रको आन्तरिक व्यवस्थापनको अलमलले मन्त्रिपरिषद् विस्तारमा ढिलाइ भएको टिप्पणी गरे ।

गणेशमान सिंहको २५ओै स्मृति दिवसको अवसरमा गणेशमान सिंह फाउन्डेसनले शोभाभगवतिमा आयोजना गरेको कार्यक्रममा बोल्दै नेता सिंहले गठबन्धनमा भएका दलहरुबीच कुरा नमिल्दा मन्त्रिपरिषद विस्तार हुनमा ढिलाइ भएको बताए । अब छिट्टै सरकारले पूर्णता पाउने उनको भनाइ थियो ।