मुम्बई– बलिउड मोडल तथा अभिनेत्री मन्दिरा बेदी सुन्दरसँगै शारीरिक रुपमा फिट छिन् । उनी आफ्नो फिटनेसबाट लाखौं फ्यानलाई प्रेरित गर्छिन् ।

आजतकका अनुसार उनी आफ्नो फिटनेसलाई सन्तुलनमा राख्न हरेक दिन व्यायाम गर्छिन् । उनी सामाजिक सञ्जालमा पनि उत्तिकै सक्रिय छिन् । उनी प्रायः आफ्नो फिटनेस भिडियो सामाजिक सञ्जालमा राखिरहन्छिन् ।

हालैमात्र उनले आफ्नो व्यायाम भिडियो पोस्ट गरेकी छन् । बिकिनी लगाएर व्यायाम गरिएको भिडियोमा उनले अक्सिजन लेभल बढाउन र तनाव कम गर्न सहयोग पुग्ने लेखेकी छन् ।

यसपटक मन्दिराले बाथरुममा व्यायाम गरेकी छन् । उनले सार्वजनिक गरेको भिडियोमा ऊध्र्व धनुरासन वा चक्रासन गरेकी छन् । भिडियोमा उनलाई गोलाकार पोजमा देखिएको छ ।

‘यसले तपाईंको अक्सिजन लेभल बढाउछ । तपाईंलाई तनाव कम हुन्छ । तपाईंलाई हृदयलाई खुशी दिन्छ’, उनले लेखेकी छन् । उनको भिडियोलाई फ्यानहरुले निकै मनपराएका छन् । एक प्रयोगकर्ताले ‘तपाईंलाई हेरेर नै अक्सिजन लेभल बढेको छ’ भन्दै लेखेका छन् ।

मन्दिरा फिट हुनका लागि दौड्ने, पौड्ने र कैयौं पटक योग गर्छिन् ।