अहिलेसम्म तपाईंले हनुमानको पूजा गर्दा शनिदेव पनि शान्त हुने वा उनको कृपा प्राप्त हुने सुन्नु भएको होला । यससंग सम्बन्धीत पौराणिक कथा पनि पढ्नु भएको होला । तर के तपाईंलाई बुधवार गणेशको पूजा गर्दा शनिदेव प्रसन्न हुन्छन् भन्ने बारे जानकारी छ ?

भगवान गणेश, प्रथम पूज्य देवता मानिन्छन् । हरेक पूजा वा शुभ कार्यको शुरुवात गणेशको पूजा र नामबाटै शुरु हुन्छ । गणेशलाई बुद्धिका साथै सिद्धि प्रदान गर्ने र विघ्नहर्ता देवताको रुपमा पुजिन्छ । त्यसैले बुधवार गणेशको पूजा गर्ने परम्परा छ ।

बुधवार गरीने गणेशको पूजाद्धारा शनिदेव पनि प्रसन्न हुने कृपा प्राप्त हुने धार्मीक मान्यता छ । बुधबार गणेशको पूजा गर्दा शनि दोष नष्ट हुने मात्र होइन, शनि ग्रहको प्रकोप पनि नाश हुने विश्वास गरीन्छ ।

किन हुन्छन् शनिदेव गणेशको पूजाबाट खुसी ?
धार्मीक मान्यता अनुसार शनिदेवलाई प्रसन्न पार्न भगवान शिवको कृपा आवश्यक छ । हनुमान शिवकै रूद्र अवतार मानिन्छन् । अर्थात हनुमान शिवको अंश मानिन्छन् । साथै गणेश शिव पुत्र भएकाले उनमा पनि शिवकै अशं छ । समग्रमा हेर्ने हो भने भगवान शिवसंग जोडिएको कारणले हनुमान र गणेशको पूजाले शनिदेव प्रसन्न हुने गर्दछ । जस अनुसार गणेशको पूजाबाट शनिको साढेसाती, शनिको अढैया र शनिको दशाबाट छुटकारा पाउन सकिन्छ ।