काठमाडौं– स्वदेश तथा विदेशका विभिन्न ठाउँमा आफ्नो व्यवसाय विस्तार गरिसकेकी व्यवसायी पुनम यादवले ठूलो बजेटमा बलिउड फिल्म बनाउने भएकी छन् । नेपालको तराई भेगमा जन्मिएकी उनी चाँडै आफ्नो पहिलो बलिउड फिल्मको घोषणा गर्ने तयारीमा छिन् ।

पुनमका अनुसार अहिले भारतमै फिल्मको स्क्रिप्ट लेखनको काम भइरहेको छ । ‘नेपाली कलाकारलाई संसारभर चिनाउनु नै मेरो उद्देश्य हो । त्यसकारण मैले बनाउन लागेको बलिउड फिल्ममा नेपाली कलाकारलाई प्राथमिकतामा राखेर अवसर दिनेछु’, पुनमले भनिन् ।

उनको पहिलो नेपाली फिल्ममा दिवाकर भट्टराईको निर्देशन रहनेछ । पुनम बलिउड र नेपाली फिल्म निर्माणको तयारीमा भए पनि उनले निर्माण गरेको एक हिन्दी गीत सार्वजनिक भइसकेको छ ।

दुई हप्ता अगाडि भारतको पप चार्टबस्टस नामक यूट्युब च्यानलबाट सार्वजनिक भएको ‘इबादत बन गए हो’ बोलको गीतलाई पुनमले निर्माण गरेकी हुन् । गीतमा नेपाली गायिका स्मिता दाहाल र भारतका चर्चित गायक शबाब साबरीले स्वर रहेको छ ।