मुम्बई–आजकल टेलिभिजन अभिनेत्रीहरु आफ्नो संस्कारी र बुहारीवाला पहिचानबाट बाहिर निस्किएर आफूलाई बोल्ड देखाउन कम्मर कसेर लागेका छन् । उनीहरु विकिनी तस्वीर खिचाउनसमेत पछि पर्दैनन् ।

तर यो मामलामा अभिनेत्री दिव्यांका त्रिपाठी फरक छिन् । नवभारत टाइम्समा प्रकाशित समाचारअनुसार दिव्यांका अहिलेसम्म अनस्क्रिन त के अफस्क्रिनमा पनि विकिनीमा देखिएकी छैनन् ।

जबकी हिना खानदेखि लिएर सुरभी ज्योति, रश्मी देसाई, आरती सिंह र शेफाली जरीवालालगायतका अभिनेत्री विकिनीवाला तस्वीर सामाजिक सञ्जालमा शेयर गरिरहन्छन् ।

‘मलाई स्विमसुट या बिकिनी लगाउन लाज लाग्छ । त्यहीकारण आजसम्म मैले स्वीमिङ गरेको छैन । विकिनी लगाउदा मलाई अनौठो अनुभव हुन्छ’, उनले भनेकी छन् ।

उनले आफूलाई विकिनी लगाउन हिम्मत जुटाउनुपर्ने बताइन् । ‘जो युवतीहरु विकिनी लगाएर आफ्नो सुन्दर तस्वीर सामाजिक सञ्जालमा राख्छन्, साँच्चै ती युवतीहरु हिम्मतवाली नै हुन्’, उनले भनिन् ।

उनले ‘विरासत’, ‘कसम से’, ‘सात फेरे–सलोनी का सफर’, ‘छोटी बहू–सिन्दूर बिन सुहागन’ र ‘ये है मोहब्बतें’ जस्ता टेलिफिल्ममा अभिनय गरेकी छन् ।