काठमाडौं–अनलाइनमार्फत दर्शक हँसाउन चाहनेका लागि आयोजना गर्न लागिएको ‘नेपाली अनलाइन रमाइलो जोक्स प्रतिस्पर्धा २०२१’ को तयारी अन्तिम चरणमा छ ।

अमेरिकामा बसेर नेपाली साहित्य, संगीत र कलामा सक्रिय नेपालीहरुको संस्था रिदम स्क्रिनले आयोजना गरेको प्रतियोगिताको आवेदन दिने अन्तिम मिति फेब्रुअरी १८ सम्म रहेको छ ।

स्क्रिनका निर्देशक कमल राईले विश्वभर छरिएर रहेका नेपाली भाषा बोल्न जान्ने व्यक्ति जो चुट्किला सुनाएर अरुको मुहारमा हाँसो ल्याउन सक्छन् भन्ने उद्देश्यले प्रतियोगिता आयोजना गर्न लागिएको बताए ।

कार्यक्रमको निर्णायकमा कलाकार बुद्धि तामाङ, हाँस्यकलाकार दीलिप गुरुङ र कलाकार भानु तिवारी छन् । प्रतियोगितामा पहिलो हुने विजेताले तीन हजार डलर, दोस्रो हुनेले दुई हजार डलर र तेस्रो हुनेले एक हजार डलर नगदसहित ट्रफी र प्रमाणपत्र पुरुस्कार स्वरूप पाउने छन् ।