काठमाडौँ– नेपाली कांग्रेसको नयाँ नेतृत्वका लागि भएको चुनावको सहमहामन्त्रीको मतणना विहीबार जारी छ । ८ सहमहामन्त्रीमध्ये अहिले पार्टी कार्यालय सानेपामा तीन सहमहामन्त्रीको मतगाण्ना जारी छ ।

दलित सहमहामन्त्रीको १७८० मतगणना हुँदा सभापति शेरबहादुर देउवा प्यानलका उम्मेदवार मानबहादुर विश्वकर्माल झिनो अग्रता बनाएका छन् । उनले ८३९ मत पाएका छन् भने डा. शेखर कोइराला प्यानलका उम्मेदवार जीवन परियारले ८३१ मत पाएका छन् ।

महिला सहमहामन्त्रीको १५०४ मतगणना हुँदा देउवा प्यानकै उम्मेदवार महालक्ष्मी उपाध्याय (डिना)ले अग्रता लिएकी छन् । उनले ८०३ मत पाउँदा कोइराला समूहकी उम्मेदवार कमला पन्तले ६८३ मत पाएकी छन् ।

यस्तै आदिवासी सहमहामन्त्रीको ८९९ मतगणना हुँदा देउवा प्यालकै भीष्मराज आङ्दाम्बेले ५१८ मतसहित अग्रता लिएका छन् । कोइराला समूहका विकास लामाले ३५७ मत पाएका छन् ।

अन्य पाँच सहमहामन्त्रीको मतणना भने सुरु भएको छैन । पदाधिकारीको गणना सकिएपछि केन्द्रीय सदस्यको गणना सुरु हुनेछ ।