काठमाडौँ– कोरोना भाइरस संक्रमण त्रासका कारण अघिल्लो बर्ष प्रभावित बनेको दशैं यो बर्षमा केहि सहजता पाइएको छ । तथापी देशको राजधानी काठमाडौँमा भने विगत वर्षमा जस्तो बडा दशैँको रौनक भेट्न सकिँदैन ।

कोरोना भाइरसको बढ्दो सङ्क्रमणका कारण नेपालीले राष्ट्रिय पर्वका रुपमा मनाउने दशैँमा चहलपहल पहिले जस्तो छैन । अहिले राजधानीका चोक, गल्ली तथा टोलटोलमा दशैंको रौनक कम पाइएको छ ।

अहिले दशैंको रौनक शहरमा भन्दा पनि गाउँमा बढि हुने गरेको छ । यो बर्ष ग्रामीण भेगमा दशैँको रौनक बढि देख्न सकिन्छ । गाउँका टोलटोलमा सार्वजनिक स्थलमा मानिसको भिड छ । जो देशको राजधानी भएर पनि काठमाडौंमा पाउन सकिन्न ।

दशैंमा प्राय मानिस शहरबाट गाउँ जाने, मान्यजनहरु गाउँमा नै भएकाले आर्शिवाद थाप्न गाउँ जादाँ गाउँमा मानिसको भिड बढेको छ । यस अलावा कोरोनाका कारण त्रासमा बसेका नागरीक यस बर्ष संक्रमण जोखिमकै बीचमा भए पनि गाउँ जान पाएका छन् । त्यस कारणले पनि गाउँमा भिड बढेको, झापाका चेतनाथ लुइटेल बताउँछन् ।

पहिलेको दशैंमा भन्दा अहिलेको दशैंमा सामाजिक सञ्जालको प्रयोग भने बढेको पाइन्छ । मानिसहरु आफुले टिका थापेको फोटो भिडियो, फेसबुक, टिकटकदेखि युट्युबसम्ममा पोष्ट गर्न थालेका छन् ।