काठमाडौँ- अफगानिस्तानका राष्ट्रपति असरफ घानीले देश छाडेको घटनालाई जोडेर राप्रपा अध्यक्ष कमल थापाले पूर्वराजा ज्ञानेन्द्र शाहको प्रशंसा गरेका छन्।

तालिबान बिद्रोही सत्ता कब्जा गर्नुअघि नै आइतबार राष्ट्रपति घानीले देश छाडेपछि थापाले ०६३ मा देशमा गणतन्त्रको स्थापना हुँदा पनि तत्कालीन राजा ज्ञानेन्द्रले देश नछाडेको प्रसंग उठाएका छन्।

तालिवानी विद्रोहीले सत्ता कब्जा गर्न लाग्दा अफगानिस्तानका राष्ट्रपति देश छोडेर भागेको घटना देख्दा राजा ज्ञानेन्द्र प्रति मेरो सम्मान अझै बढेको छ।२०६३ पछि देश भित्रै रहेर देश र जनताको सेवामा समर्पित हुने राजा ज्ञानेन्द्रको निर्णय दूरदर्शी छ।
राजा र राष्ट्रपति बिचको फरक पनि यही हो pic.twitter.com/Ed3vw10s0H

— Kamal Thapa (@KTnepal) August 16, 2021

‘तालिबानी बिद्रोहीले सत्ता कब्जा गर्न लाग्दा अफगानिस्तानका राष्ट्रपति देश छोडेर भागेको घटना देख्दा राजा ज्ञानेन्द्रप्रति मेरो सम्मान अझै बढेको छ,’ थापाले सोमबार बिहान ट्वीटरमा लेखेका छन्, ‘२०६३ पछि देश भित्रै रहेर देश र जनताको सेवामा समर्पित हुने राजा ज्ञानेन्द्रको निर्णय दूरदर्शी छ । राजा र राष्ट्रपतिबीचको फरक पनि यही हो।’