काठमाडौँ– प्रधानमन्त्री शेरबहादुर देउवालाई चिनियाँ राजदूत होउ यान्छीले चीनको तर्फबाट बधाई दिएकी छन् ।

राजदूत यान्छीले बालुवाटार पुगेर देउवालाई बधाई तथा शुभकामना दिएकी हुन् ।

प्रधानमन्त्री देउवाले ट्वीट गर्दै राजदूतसँग भेट भएको जानकारी दिएका छन् । उनले चीनसँगको सम्बन्धलाई थप बलियो बनाउने बताएका छन् ।

‘आज बालुवाटारमा मैले चिनियाँ राजदूत होउ यान्छीलाई भेटेँ । म चीनसँगको सम्बन्धलाई थप बलियो बनाउने छु,’ प्रधानमन्त्री देउवाले लेखेका छन् ।

भेटमा राजदूत यान्छीले देउवाको कार्यकालमा नेपाल र चीनबीचको मैत्रीपूर्ण सम्बन्ध थप प्रगाढ बनाउने लगायतका द्धिपक्षीय हितका विविध चासोमा छलफल भएको थियो ।

यसअघि देउवालाई भेट्न भारतीय राजदूत विनयमोहन क्वात्रा र अमेरिकी राजदूत र्‍यान्डी बेरी बुढानीलकण्ठ पुगेका थिए ।