काठमाडौँ– अविरल वर्षासंगै ढलनिकास राम्रो नहुदा ललितपुरको हात्तीवन डुबानमा परेको छ ।

लगातारको वर्षाले हात्तीवनस्थित खरिबोटमा दुई वटा घर डुबेका छन् । अव्यवस्थित ढलका कारण हात्तीवन डुबानमा परेको स्थानीयको भनाइ छ । गत वर्ष पनि यस्तै समस्या भोगेको भएपनि सम्बन्धित निकायले चासो नदिँदा यो वर्ष पनि क्षति व्यहोर्नु परेको स्थानीयबासीन्दाले बताए ।

स्थानीय गोदावरी खोलाको पानी घरमा पस्दा झण्डै एक करोड ५० लाख बराबरको क्षति भएको स्थानीय व्यवसायीको भनाइ छ ।

गोदामको रुपमा प्रयोग गरिएको घरमा पानी पस्दा २ सय बोरा भन्दा बढी मसुरोको दाल, २ सय बोरा कालो दाल, ५ सय बोरा चामल लगायत खाद्यवस्तुमा क्षति पुगेको छ । सडक बनाउँदा गोदावरीदेखिको ढल बनाएको र यो स्थानमा आउँदा ठेकेदारले व्यवस्थित नबनाउँदा डुबानमा परेको स्थानीय लवकुमार खड्काले बताए ।

सम्बन्धित निकायले ढल निकासमा ध्यान नदिँदा डुवानको चपेटामा परेको स्थानीयको गुनासो छ ।

हेर्नुहोस् भिडियो