मुम्बई– बलिउडका कैयौं कलाकारहरु हलिउड फिल्ममा देखिएका छन् । उनीहरुले आफ्नो अभिनयको बलबाट विदेशमा पहिचान पनि बनाएका छन् । हलिउडमा आफ्नो अभिनयको छाप छोडेका केही अभिनेत्रीहरुले बलिउडमा अभिनेतासँग अनस्क्रिन रोमान्स गर्ने अवसर पाएका छन् ।

अमर उजालाका अनुसार यी अभिनेत्रीहरु अहिलेको फिल्ममा नभई धेरै अगाडिका फिल्ममा अभिनय गरेको हेर्न पाइन्छ । अभिनेता राज कपूरदेखि लिएर आमिर खानसम्म उनीहरुले रोमान्स गरिसकेका छन् ।

अभिनेत्री एडवर्ड जेराडाले सन् १९७० मा रिलिज फिल्म ‘मेरा नाम जोकर’मा ‘शोमेन’ राज कपूरसँग अभिनय गरेकी थिइन् । यो फिल्ममा वास्तविक सर्कस देखाइएको थियो । फिल्मका लागि सोभियत स्टेट सरकसबाट कलाकार ल्याइएको थियो । यही कलाकारको समूहमा एडवर्ड थिइन् ।

फिल्म ‘लगान’ हेर्नु भएको छ भने त्यहाँ हलिउड अभिनेत्री रशेल शैलीलाई तपाईंले पक्कै बिर्सनुभएको छैन । फिल्ममा अंग्रेज शासनबाट मुक्ति पाउनका लािग गाउँलेहरु उनीहरुसँग क्रिकेट खेल्छन् । यो फिल्ममा अंग्रेजी टिममा एक महिला छिन् । जसले गाउँलेलाई क्रिकेट खेल्न सिकाउछिन् । त्यो भूमिका रशेलले नै निभाएकी थिइन् ।

आमिर खान स्टारर फिल्म ‘रंग देश बसन्ती’ लाई युवा दर्शकले निकै मनपराए । फिल्ममा इंग्ल्याण्डकी अभिनेत्री एलिस पैटनले आमिरसँग रोमान्स गरेकी छन् । फिल्ममा उनले वृत्तचित्र बनाउन भारत आएकी महिलाको भूमिका निर्वाह गरेकी छन् ।

सन् २०१० मा रिलिज फिल्म ‘काइट्स’मा ऋतिक रोशन प्रमुख भूमिकामा थिए । फिल्ममा नताशाको भूमिका निभाउने कलाकार मेक्सिकोकी मोडल बारबरा मोरी थिइन् । फिल्ममा उनले अभिनयको तारिफ पाएकी थिइन् । यो बेला बारबरा र ऋतिक बीच अफेयरको हल्ला चलेको थियो ।

अभिनेता रणवीर कपूर र अभिनेत्री कटरीना कैफ स्टारर फिल्म ‘राजनीति’मा सराह थम्प्सनले अभिनय गरेकी छन् । उनी अमेरिकाको ठूलो पर्दाको प्रख्यात अभिनेत्री हुन् । टेलिभिजनमा उनको लोकप्रियता उत्तिकै छ ।