काठमाडौँ– नेपाल विज्ञान तथा प्रविधि प्रज्ञा प्रतिष्ठानले २०७७ सालको विज्ञान तथा प्रविधि युवा पुरस्कार डा. सागर रेग्मीलाई प्रदान गर्ने भएको छ ।

४४ औँ प्राज्ञसभाले डा. रेग्मीलाई पुरस्कार प्रदान गर्ने निर्णय गरेको प्रतिष्ठानले जनाएको छ ।

क्यान्सर र व्यायाम सम्बन्धि अनुसन्धान गर्न सहयोगी हुने माइक्रोफ्लुइडिक प्रणालीको विकास गरी रक्तनलीमा भएका ट्युमर कोषहरू हटाउन तथा मेटास्टेसिस रोक्ने चिकित्सा विधिको विकास गर्न महत्वपूर्ण योगदान पर्‍याए वापत यो पुरस्कार डा. रेग्मीलाई प्रदान गरिएको हो ।

डा. रेग्मी त्रिभुवन विश्वविद्यालयको व्यवहारिक विज्ञान तथा प्रविधि अनुसन्धान केन्द्रमा कार्यरत छन् । उक्त पुरस्कार वितरण कार्यक्रम छिट्टै हुने जानकारी दिइएको छ ।