काठमाडौँ– कोरोना नियन्त्रणमा केन्द्रित हुन प्रधानमन्त्री केपी शर्मालाई लेखक तथा जसपाका युवा नेता मिलनकान्छा किरातीले अपिल गरेका छन् ।

माइग्रेण्ट नेपाली युनियन एसिया प्यसिफिक कमिटीले आयोजना गरेको भर्चुअल कार्यक्रमलाई सम्बोधन गर्दै उनले भने, ‘सत्ता, शक्ति संघर्षको संसदीय फोहोरी खेल जनताले धेरै हेरे । कोरोनाले दिनहुँ सङ्क्रमित र मृत्यु हुनेको सङ्ख्या तीव्र बढ्दो छ । यस्तोबेला सत्ता प्रमुख प्रतिपक्षी दल काङ्ग्रेसको भूमिका पनि जनताले हेर्दैछन । प्रचण्डले निकाल्ने परिणाम पनि हेर्दैछन । महामारीले आक्रान्त यो अवस्थामा लकडाउन मात्र समाधान होइन । यो त झन विकराल समस्या हो ।’

उनले भने, ‘जनताको चित्कार र पुकार सुन्न प्रधानमन्त्री केपी शर्मा ओलीलाई म आग्रह गर्दछु । राज्यको सबैथोक शक्ति र साधन प्रयोग गरेर कोरोना महामारी नियन्त्रणमा केन्द्रित हुन हार्दिक अपिल गर्दछु ।’