काठमाडौँ – लुम्बिनी प्रदेशका मुख्यमन्त्री शंकर पोखरेलले समयमै पार्टी निर्माणमा जुट्नुपर्ने बताएका छन् ।
कर्णाली प्रदेशमा शुक्रबार एमालेकै सांसदले फ्लोर क्रस गर्दै माओवादी नेतृत्वको सरकार जोगाइदिएपछि प्रतिक्रिया दिँदै पोखरेलले पार्टीमा समानान्तर गतिविधिको गन्तव्य कर्णालीकै जस्तो हुने बताएका छन् ।
उनले फेसबुकमा लेखेका छन्, ‘समानान्तर गतिविधिको गन्तव्य कर्णालीको जस्तै हुने हो । समयमै सचेत बनौँ, पार्टी र आन्दोलनको रक्षाका लागि निशर्त पार्टी काममा जुटौँ ।’
मुख्यमन्त्री पोखरेलको सरकारमाथि पनि संकटको बादल मडारिरहेको छ । विपक्षी दलहरूले उनीविरुद्ध अविश्वासको प्रस्ताव ल्याउन हस्ताक्षर संकलन गरिसकेका छन् ।
समानान्तर गतिविधिको गन्तव्य कर्णालीको जस्तै हुने हो । समयमै सचेत बनौ, पार्टी र आन्दोलनको रक्षाका लागि निशर्त पार्टी काममा जुटौ ।
Posted by Shankar Pokhrel on Friday, April 16, 2021
प्रतिक्रिया