काठमाडौँ- अमेरिकामा कोरोना संक्रमितको संख्या ३ करोड नाघेको छ ।
पछिल्लो २४ घण्टामा ४५ हजार ४५ जनामा संक्रमण पुष्टि भएको छ । योसँगै अमेरिकामा कोरोना संक्रमितको संख्या ३ करोड १ लाख ३८ हजार ५८६ पुगेको छ ।
संक्रमितमध्ये अहिलेसम्म २ करोड २२ लाख ८६ हजार ५५१ जना संक्रमणमुक्त भएका छन् । उपचार गराइरहेका ७३ लाख ४ हजार २२ जनामध्ये ९ हजार २८६ जनाको अवस्था गम्भीर रहेको वर्ल्डोमिटर्सले जनाएको छ ।
यस्तै पछिल्लो मृत्यु हुनेको संख्या ५ लाख ४८ हजार नाघेको छ । पछिल्लो २४ घण्टामा ७८५ संक्रमितको मृत्यु भएसँगै अमेरिकामा कोरोनाले ज्यान गुमाउने संक्रमितको संख्या ५ लाख ४८ हजार १३ पुगेको छ ।
प्रतिक्रिया