काठमाडौँ– कतार एयरवेजले लाटाम एयरलाइन्स ब्राजिलसँग कोडसेयर सम्झौता गरी साओ पाओलोसम्मको सेवा विस्तार गरेको छ ।
योसँगै साप्ताहिक १० उडानसम्म विस्तारको घोषणा गरेको छ ।
यसले दुवै एयरलाइन्सका यात्रुलाई एसिया, मध्य एसिया तथा दक्षिण अमेरिकासम्मको यात्रामा थप सुविधा पुर्याउने कतार एयरवेजले जनाएको छ ।
यस नयाँ कोडसेयर सम्झौताले दुवै एयरलाइन्सको २०१६ मा पहिलोपटक सुरु गरिएको रणनीतिक साझेदारीलाई थप सुदृढ गर्ने जनाइएको छ ।
यस विस्तारित सम्झौताले कतार एयरवेजका यात्रुहरुलाई थप ४५ लाटाम एयरलाइन्स ब्राजिलका उडानहरु बुकिङ गरी यस दक्षिण अमेरिकी वाहकको नेटवर्कका ४० घरेलु तथा अन्तर्राष्ट्रिय गन्तव्यसँग जोड्ने जनाइएको छ ।
प्रतिक्रिया