मुम्बई–हलिउड अभिनेत्री तथा पप स्टार रिहाना पुनः एकपटक भारतीय मिडियामा चर्चाको विषय बनेकी छन् । केही समय अघि भारतमा चलिरहेको किसान आन्दोलनका विषयमा ट्वीट गरेपछि विवाद र चर्चामा आएकी रिहाना यसपटक भने आफ्नो नग्न तस्वीरका कारण चर्चामा छिन् ।

सामाजिक सञ्जाल आफैले पोस्ट गरेको तस्वीरमा रिहानाले भगवान गणेशको लकेट लगाएकी छन् । सञ्जाल प्रयोगकर्ताले रिहानाको नग्नता भन्दा पनि त्यो नग्नतामाथि गणेशको लकेट लगाएकोमा आपत्ति जनाएका छन् ।

भारतीय जनता पार्टीको प्रवक्ता राम कदमले ट्वीट गर्दै रिहानाको कदमप्रति असन्तुष्टि व्यक्ति गरेका छन् ।

‘रिहानाले जुन किसिमले हाम्रो हिन्दु देवता भगवान गणेशको मजाक उडाएकी छन्, यो आफैंमा निकै घटिया काम हो । यो तस्वीरले रिहानालाई भारतीय संस्कारको बारेमा केही थाहा छैन भन्ने कुरा प्रष्ट पारेको छ । आशा छ कि अब राहुल गान्धी र अन्य काँग्रेस नेता उनीबाट सहयोग लिने काम बन्द गर्नेछन्,’ कदमले ट्वीट गरेका छन् ।
–एजेन्सी