काठमाडौं–लामो समयदेखि अष्ट्रेलियामा बस्दै आएका नेपालीहरुले फिल्म ‘पर्पला’ निर्माण गरेका छन् । आरकेएस अष्ट्रेलिया, ओएमजी इन्टरटेनमेन्ट र ग्रिन हिल्स इन्टरटेनमेन्टको संयुक्त व्यानरमा निमार्ण भएको फिल्मको प्रस्तुतकर्ता भानुप्रताप ढकाल हुन् ।

हलिउडका प्राविधिक र नेपाली कलाकारको सहकार्यमा निर्माण भएको फिल्ममा निखिला चपागाईं, पुकार गौतम, रोजी पन्त, ओग्ला तामाङ, योगेश घिमिरे, प्रेक्षा अधिकारीलगायतको अभिनय रहेको छ । फिल्ममा मनोज अधिकारीको निर्देशन छ ।

अष्ट्रेलियामा बेली डान्सरका रुपमा चर्चित मोडल निखिलाले यही फिल्ममार्फत अभिनयमा डेब्यू गर्दैछिन् । नृत्य र अभिनयमा पोख्त निखिला अष्ट्रेलियामा हुने विभिन्न इभेन्टहरुमा डान्स तथा कोरियोग्राफरका रुपमा व्यस्त छिन् ।

प्रस्तुतकर्ता भानुप्रतापका अनुसार फिल्ममा अष्ट्रेलियामा घटेको एक वास्तविक घटनाको कथालाई उतारिनेछ । रवीन्द्रकुमार शर्मा, डम्बरबहादुर रसाइली र छवि अधिकारी निर्माता रहेको फिल्ममा सिर्जना लुहागुन, सरस्वती गौतम र भीमबहादुर रसाइली सह–निर्माता छन् ।

फिल्ममा सुरेन्द्र पौडेलको सम्पादन रहनेछ ।