काठमाडौँ– कुमारी बैंकले क्यूआर स्क्यान एन्ड विथड्र सुविधा सुरु गरेको छ ।

उक्त सुविधाअन्तर्गत बैंकका ग्राहकले बिनाकार्ड या चेक कुमारी स्मार्ट मोबाइल एप्लिकेसनमार्फत टेलरमा राखिएको क्यूआर कोड स्क्यान गरी आफ्नो खाताबाट नगद विथड्र गर्न सक्नेछन् ।

ग्राहकले बैंकका हरेक शाखा तथा एक्सटेन्सन काउन्टरमा राखिएका क्यूआर कोड अंकित टेलर स्ट्यान्डमार्फत उक्त सेवाको लाभ लिन सक्ने बैंकले जनाएको छ ।

क्यूआर प्रणाली मार्फत निकालिने नगद कारोबार सीमा भने प्रचलित मोबाइल बैंकिङ र कार्डको दैनिक कारोबार सीमाअन्तर्गत हुनेछ । बैंकले हाल १ सय ९२ शाखा, १ सय ५२ एटीएम, २३ शाखारहित बैंकिङ इकाइ र १३ एक्सटेन्सन काउन्टरमार्फत बैंकिङ सुविधा दिँदै आएको छ ।