काठमाडौँ– काठमाडौं जिल्ला प्रशासन कार्यालयको टोलीले आइतबार काठमाडौंको विभिन्न स्थानमा सर्वसाधारणबाट मास्कको प्रयोग भए/नभएको बारे अनुगमन गरेको छ ।

टोलीले काठमाडौंको नयाँ बानेश्वर, गौशाला, चावाहिल लगायतका क्षेत्रमा होटल, रेष्टुरेन्ट, पसल, सार्वजनिक सवारीमा माक्सको प्रयोग भए नभएको अनुमगन गरेको हो ।

अनुगमनका क्रममा माक्स प्रयोगमा लापरवाही गरिएको पाइएको र यसले कोरोना जोखिम बढ्ने खतरा भएको काठमाडौंका सहायक प्रमुख जिल्ला अधिकारी दिपक पौडेलले बताए ।

अनुगमनका क्रममा २६ जना भन्दा बढीलाई स्थलगत कारवाही गरेको र केहीलाई सम्झाई बुझाई छाडेको उनले बताए ।

उनले कोरोना महमारीलाई नियन्त्रण गर्नका लागि मास्कको प्रयोगलाई अनिवार्य गरिएपनि माक्स नलाइको र सामाजिक दूरी पनि पालना गरेको नदेखिएको भन्दै आगामी दिनमा पनि निरन्तर अनुगमन गर्ने बताए ।