काठमाडौँ– सत्तारुढ गठबन्धनको बैठक शुरू भएको छ ।

सिंहदरबारस्थित प्रधानमन्त्री तथा मन्त्रिपरिषदको कार्यालयमा केहीबेरअघि शुरु भएको बैठकमा एमाले वरिष्ठ नेता माधवकुमार नेपाल भने सहभागी भएका छैनन् ।

नेता नेपाल पक्षका नेता डाक्टर विजय पौडेल बैठकमा सहभागी भएको जनाइएको छ ।

बैठकमा कांग्रेस सभापति तथा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल, जसपा अध्यक्ष उपेन्द्र यादव, कांग्रेस महामन्त्री पूर्णबहादुर खड्का लगायत सहभागी छन् ।

गठबन्धनको बैठक चलिरहेका बेला एमाले वरिष्ठ नेता नेपाल र उपाध्यक्ष भीम रावलबीच कोटेश्वरस्थित नेपाल निवासमा छलफल जारी छ । नेता नेपाललाई भेट्नका लागि उपाध्यक्ष रावल केहीबेरअघि कोटेश्वर पुगेका थिए ।