काठमाडौँ– चालु आर्थिक वर्ष २०७७/७८ को अन्तिम दिन बिहीबार शेयर बजारमा दोहोरो अंकको वृद्धि भएको छ । नेपाल स्टक एक्सचेञ्जका अनुसार बिहीबार नेप्से सूचक ११.३३ अंकले बढेर २८८३.३८ अंकमा पुगेको छ ।

आज कूल २२३ वटा कम्पनीको ५ करोड ८५ लाख २ हजार १०९ कित्ता शेयर खरिद बिक्री हुँदा ८ अर्ब १४ करोड ३६ लाख १४ हजार ३०२ रुपैयाँको कारोबार भएको छ ।

कारोबारमा आएका १३ मध्ये ७ वटा उपसमूहको परिसूचक बढेको छ भने ६ समूहको सूचक घटेको छ ।

जलविद्युत र फाइनान्सको सूचक करिब २ प्रतिशतले बढेको छ भने बैंकिङ, ब्यापार, निर्जीवन बीमा, लघुवित्त र म्युचुअल फण्डको सूचक सामान्य बढेको छ ।

त्यस्तै होटल र पर्यटनमुलक सूचक साढे १ प्रतिशतले घट्दा विकास बैंक, उत्पादन, अन्य, जीवन बीमा, र लगानी सूचक सामान्य घटेका छन् ।

गोर्खाज फाइनान्स कम्पनी लिमिटेडको सर्वाधिक कारोबार भएको छ । कम्पनीको ३६ करोड ७० लाख रुपैयाँको शेयर कारोबार भएको हो ।

त्यसैगरी एनआईसी एशिया बैंकको ३३ करोड, मेरो माइक्रोफाइनान्स संस्थापक २३ करोड, मञ्जुश्री फाइनान्स २३ करोड, नेपाल लाइफ इन्स्योरेन्स २० करोड, नेशनल हाइड्रोपावर कम्पनीको १६ करोड, ङादी ग्रुप पावर कम्पनी १५ करोड, नेपाल पूनर्बीमा कम्पनी १५ करोड, युनाइटेड मोदी हाइड्रोपावरको १४ करोड र अरुण काबेली पावरको साढे १३ करोडको शेयर कारोबार भएको छ ।