काडमाडौँ– विश्वविद्यालयका पूर्व उपकुलपतिहरूले चिकित्सा शिक्षा आयोगको स्वायत्ततामा हस्तक्षप नगर्न आग्रह गरेका छन् ।

पूर्व उपकुलपतिहरू महेशकुमार उपाध्याय, केदारभक्त माथेमा, सुरेशराज शर्मा, खगेन्द्र भट्टराई लगायत १२ जनाको समूहले मंगलबार संयुक्त रुपमा विज्ञप्ति जारी गरेर आयोगको स्वायत्ततामा हस्तक्षप नगर्न आग्रह गरेका हुन् ।

झापास्थिति बी एण्ड सी मेडिकल कलेजलाई काठमाडौँ विश्वविद्यालयबाट सम्बन्धन दिलाउन शिक्षा विज्ञान तथा प्रविधि मन्त्री कृष्णगोपाल श्रेष्ठ र प्रधानमन्त्री केपी शर्मा ओलीले शुक्रबार चिकित्सा शिक्षा आयोगका उपाध्यक्ष डा. श्रीकृष्ण गिरीलाई बालुवाटार बोलाएर दबाब दिएका थिए ।

जायज अडान राखेका डा. गिरीलाई यसरी जो कसैलाई इमान्दारिता र नैतिकतामाथिको चुनौती स्वरुप भौतिक, मानसिक र शारीरिक यातना सामना गर्नु परेमा त्यसबाट हुने कुनै पनि क्षतिको जिम्मेवार सरकार हुने जारी विज्ञप्तिमा उल्लेख गरिएको छ ।