मुम्बई–बलिउडकी ‘धक–धक गर्ल’ माधुरी दीक्षित फ्यानका लागि आज विशेष दिन हो । किनकी माधुरी आज आफ्नो ५४ औं जन्मदिन मनाउदैछिन् ।

बलिउड लाइफका अनुसार भारतको छिमेकी मुलुक पाकिस्तानमा पनि माधुरीका फ्यान लाखौं छन् । पाकिस्तानका सेनासँग जोडिएको माधुरी किस्सा अहिले पनि बलिउडमा चर्चाको विषय बन्छ ।

एक समयमा पाकिस्तानी सेना बलिउडकी यी सुन्दरी अभिनेत्रीका लागि काश्मीर छोड्न तयार थियो । यो घटना भारत–पाकिस्तान युद्धको समयमा भएको हो ।

त्यो समयमा भारतीय बोर्डरमा पाकिस्तानी सेना लगातार आक्रमण गरिरहेका थिए । युद्ध सकिएपछि सीमानामा रहेका भारतीय सेनाका प्रमुखले माधुरीलाई पाकिस्तानी सेनाले दाबी गरेको खुलासा गरेका थिए ।

उनका अनुसार पाकिस्तानी सेनाले यदि भारतले पाकिस्तानलाई माधुरी दीक्षित हस्तान्तरण गर्छ भने उनीहरुले काश्मीर माग्न छोड्ने बताएका थिए । यो कुरा सुनेर भारतीय सेना निकै रिसाएका थिए ।

त्यसपछि भारतीय सेनाले माधुरीलाई माग्ने पाकिस्तानी सेनालाई त्यहाँबाट भगाएका थिए । पाकिस्तानमा अझैं पनि त्यहाँका फ्यानहरु माधुरीको पोस्टरलाई घरमा सजाएर राख्छन् ।