काठमाडौं–ह्यापी रेकर्डस नेपालले निर्माण गर्न लागेको वेब सिरिज ‘अघोरी’ मा अभिनेता रेमनदास श्रेष्ठले शीर्ष भूमिका निर्वाह गर्ने भएका छन् ।

सिरिजमा सुमन चित्रकार श्रेष्ठ, सपना तामाङ, किरण स्याङतान, सिरन बज्राचार्य, निश्चलजंग, अमिसा, तृप्ति र बाल कलाकार आयुष रिजाललगायतको अभिनय रहनेछ ।

ह्यापी रेकर्डस्ले यसअघि ‘ल्याङ ल्याङ’ नामक वेब सिरिज निर्माण गरिसकेको छ । वेब सिरिजका निर्देशक सुजन मानन्धरले ‘अघोरी’ क्राइम थ्रिलर जनरामा बन्ने बताए ।

सिरिजमा अमृत मरहठ्ठाको मेकअप, सुमन चित्रकारको लेखन, रिकेश मानन्धरको संगीत, निश बज्राचार्यको छायांकन र सुजन मानन्धरको सम्पादन रहनेछ ।

सिर्जना सूत्रको सहकार्यमा निर्माण हुन लागेको सिरिजका लागि अडिसनबाट विजय कार्की, चाँदनी शाही, राम छनोट भइसकेका छन् ।