काठमाडौँ– राष्ट्रपति विद्यादेवी भण्डारीले कोरोनाविरुद्धको खोप लगाएकी छिन् ।

सोमबार अपरान्ह महाराजगञ्जस्थीत शिक्षण अस्पताल पुगेर राष्ट्रपति भण्डारीले कोरोनाविरुद्धको खोप लगाएकी हुन् ।

चैत ९ गते दुई दिने औपचारिक भ्रमणमा बंगलादेश जानु अघि राष्ट्रपति भण्डारीले खोप लगाएकी हुन् ।

कोरोनाविरुद्धको खोप लगाइसकेपछि राष्ट्रपति भण्डारीले खोप लगायतका पूर्वधार समयमा नै स्वदेश भित्राउनु सरकारको सफलता भएको बताइन् ।

त्यस्तै उनले आफू ९ र १० गते बंगलादेश जानुपर्ने भएकाले पनि समयमा नै खोप लगाएको बताइन् । उनले चरणबद्ध रुपमा खोप अभियान सञ्चालन भएकाले आफ्नो उमेर समूहको पालो आएपछि पनि खोप लगाएको बताइन् ।

राष्ट्रपति भण्डारीले पुरै विश्वस्त भएर कोरोनाविरुद्धको खोप लगाउन समेत सबैमा आग्रह गरिन् ।

माघ १४ गतेदेखि शुरु भएको कोरोनाविरुद्धको खोप अभियान अन्तर्गत अहिले फागुन २३ देखि ६५ वर्षमाथिका नागरिकले खोप लगाइरहेका छन् ।

हेरौँ भिडियो