काठमाडौं– प्रतिनिधिसभा पुनर्स्थापनापछि पहिलोपटक कार्यव्यवस्था परामर्श समितिको बैठक बस्ने भएको छ ।
सभामुख अग्नि सापकोटाले आज दिउँसो २ बजे कार्यव्यवस्था परामर्श समितिको बैठक बोलाएका हुन् ।
चैत्र ३ गते बस्ने प्रतिनिधिसभाको बैठकअघि सभामुखले प्रतिनिधिसभा बैठकको कार्यसूची तय गर्न कार्यव्यवस्था समितिको बैठक बोलाएका हुन् ।
यसअघि पुस ५ मा प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेकी थिइन् ।
विघटनविरुद्ध परेको रिटमाथि फैसला सुनाउँदै सर्वोच्च अदालतले फागुन ११ गते प्रतिनिधिसभा विघटन गर्ने सरकारको निर्णय बदर गरेको थियो । त्यसपछि दुईपटक प्रतिनिधिसभाको बैठक बसिसकेको छ ।
प्रतिक्रिया