काठमाडौं– पोस्तक श्रेष्ठको कथा सङ्ग्रह ‘मुन्नी’ सार्वजनिक गरिएको छ ।

अमेरिकामा बसोबास गर्दै आएका श्रेष्ठले सामाजिक कथा समेटेर सङ्ग्रह बजारमा ल्याएका हुन् । लिपि बुक्सले बजारमा ल्याएको कथा संग्रहमा २२ वटा कथा छन् ।

सङ्ग्रहमा समावेश कथाहरुले समग्र नेपाली समाजका विविध आयामहरुलाई समेटेका छन् ।

‘अमेरिका तथा नेपाली समाजका विभिन्न घटनाहरु कथामा अटाएका छन्। किनकि एउटा लेखक कुनै पनि विषयमा तटस्थ हुन सक्दैन’, लेखक श्रेष्ठले भने ।

‘कथामा सामाजिक विषयहरु अटाएको छु, जहाँ प्रेम,युद्द,राजनीति तथा सामाजिक विषय छन्,’ उनले भने ।

पत्रपत्रिका, कथा तथा कविताका माध्यमबाट पाठकमाझ उपस्थिति देखाएका श्रेष्ठका कथाहरू कथामात्र नभएर समाजका बिम्ब भएको प्रकाशक अर्जुन अधिकारीले बताए ।

श्रेष्ठले लेखेका फरक धारका कथाले पाठकलाई कथाप्रति मान्छेको रुचि राख्ने पनि अधिकारीले बताए ।