काठमाडौं–अनाथ आश्रममा हुर्किरहेकी एक १० वर्षीया बालिकाले आफ्नो आमालाई खोज्ने कथा प्रस्तुत गरिएको सांगीतिक फिल्म ‘आमा कहाँ खोजुँ ?’को टिजर सार्वजनिक भएको छ ।

सार्वजनिक टिजरमा आफूलाई जन्माएर आमाले खोलाको बगरमा छोडेपछि ठूली भएर तिनै आमा खोज्ने बालिका नेरिस्का स्थापितको कथालाई देखाइएको छ ।

अशोक थापा मगरले निर्देशन गरेको फिल्ममा नेरिस्का स्थापित, रवि मैनाली, सारिका ढकाल र श्रृष्टि थापा मगरको अभिनय छ ।

‘आमा कहाँ खोजुँ ? नेपाली समाजमा देखिने हजारौ निर्दोष र अबोध अनाथ बालबालिकाहरुको कथा हो’, निर्देशक मगर भन्छन्, ‘फिल्ममा आमाको अभावमा हुर्किरहेका बालबालिकाहरुको लुकेका पीडाहरु, बनावटी खुशीहरु, आघातित बाल मनोविज्ञान र जीवनमा आमाको महत्वलाई प्रकाश पार्न खोजिएको छ ।’

फिल्ममा निर्देशक अशोक र राजु थापा मगरको संगीत, गिताञ्जली थापा मगरको स्वर, दीपक बज्राचार्यको छायांकन छ । फिल्मका निर्माता टेकबहादुर थापा र राजु थापा हुन् ।

https://www.youtube.com/watch?v=SuStBHCEF3o