काठमाडौँ- कप्तान विनोद भण्डारीको शतकिय इनिङ्समा त्रिभुवन आर्मी क्लबले गण्डकी प्रदेशसामु २ सय ८८ रनको लक्ष्य प्रस्तुत गरेको छ।

प्रधानमन्त्री कप राष्ट्रिय पुरुष क्रिकेट प्रतियोगितामा टस जितेर पहिलो ब्याटिङ गरेको आर्मीले निर्धारित ५० खेल्दै ५ विकेट गुमाएर २ सय ८७ रन बनाएको हो।

त्रिभुवन विश्वविद्यालय क्रिकेट मैदान (टियू) मा खुलेका आर्मीका कप्तान भण्डारीले अविजित रहँदै ७६ बलको मद्दतमा ५ छक्का र ९ चौका प्रहार गर्दै १११ रन बनाएका हुन्। आर्मीका लोकेश बमले ४२ रन बनाए।

यस्तै आर्मीका राजु रिजालले ४५ रन बनाएका थिए भने राजेश पुलामि मगरले ३८ रन, भिम सार्कीले १५, हरिकृष्ण झाले १४ रन बनाए।

आर्मीविरुद्ध विपिन खत्री र विशाल पौडेलले समान २/२ विकेट लिए भने दिपेश खत्रीले १ विकेट लिए ।

२ सय ८८ रनको लक्ष्य पाएको गण्डकी केही समयमा जवाफि ब्याटिङ गर्दैछ।

प्रतियोगिताको उद्घाटन आज बिहान युवा तथा खेलकुद मन्त्री दाबा लामा तामाङले बलिङ र राष्ट्रिय खेलकुद परिषद् (राखेप) सदस्य सचिव रमेश कुमार सिलवालले ब्याटिङ गर्दै गरेका थिए।