काठमाडौँ– नेपाली कांग्रेसका केन्द्रीय सदस्य धनराज गुरुङले नेपाली राजनीतिमा दिनहुँ राजनीतिका साँढेहरु जुधिरहेकाले यस वर्षको गोरु जुधाइ खास्सै मनोरञ्जनात्मक नभएको टिप्पणी गरेका छन् ।

आज बिहान ट्वीट गर्दै नेता गुरुङले त्यस्तो टिप्पणी गरेका हुन् । उनले भने, “यसपालि नुवाकोटको गोरु जुधाई कार्यक्रम खास्सै मनोरञ्जनात्मक भएन रे ।”

यता काठमाडौंमा दिनदिनै राजनीतिका साँढेहरुको जुधाइ भइरहेकाले नुवाकोटको गोरु जुधाइ खल्लो भएको भन्दै व्यंग्य गरेका छन् ।

उनले भनेका छन्, “सायद यता काठमाण्डौंमा दिनदिनै राजनीतिका साँढेहरुको जुधाई भइरहेकाले नुवाकोटको गोरु जुधाई खल्लो भएको होला ।”

यसपालि नुवाकोटको गोरु जुधाई कार्यक्रम खास्सै मनोरञ्जनात्मक भएन रे! सायद यता काठमाण्डौंमा दिनदिनै राजनीतिका साँढेहरुको जुधाई भइरहेकाले नुवाकोटको गोरु जुधाई खल्लो भएको होला!

— Dhan Raj Gurung (@dhanrgrg) January 15, 2021

प्रत्येक वर्षको माघ १ गते नुवाकोटको तारुका लगायतका ठाउँहरुमा गोरु जुधाइने गरिन्छ । बिहीबार (माघ १ गते) नुवाकोटको तारेश्वर गाउँपालिका ३ स्थित तारुका लगायतका ठाउँहरुमा गोरु जुधाइएको थियो ।