काठमाडौँ– नेपालका ओपनर क्रिकेटर आसिफ शेखले ओमानविरुद्धको खेलमा मंगलबार अर्धशतक बनाएका छन् । क्रिकेट विश्वकप लिग २ अन्तर्गत मंगलबार ओमानको अल अमिरात मैदानमा जारी खेलमा उनले अर्धशतक बनाएका हुन् ।
टस जितेर पहिला ब्याटिङ रोजेको नेपालले खराब सुरुआत गरेको थियो । ओपनर कुशल भुर्तेललाई शून्यमा गुमाएको नेपाललाई आसिफ र रोहित पौडेल्ले सम्हालेका छन् । यो समाचार तयार पार्दासम्म नेपालले १९ ओभरमा ८८ रन बनाएको छ । आसिफ ५२ र रोहित पौडेल १२ रनमा खेलिरहेका छन् ।
भुर्तेल शून्य रनमा आउट हुँदा कप्तान ज्ञानेन्द्र मल्लले २१ रनको योगदान दिएका थिए । नेपालले सोमबार लिगको पहिलो खेलमा अमेरिकालाई पराजित गरेको थियो ।
प्रतिक्रिया