प्रिमियर लिगमा एभर्टनको सहज जित

२९ भदौ २०७८, मंगलबार

पढ्न लाग्ने समय : < 1 मिनेट

काठमाडौँ- इंग्लिस प्रिमियर लिग फुटबलमा एभर्टनले बर्नलीमाथि सहज जित निकालेको छ ।

सोमबार राति गुडसन पार्कमा भएको खेलमा एभर्टनले बर्नलीलाई ३-१ गोलले हराएको हो ।

घरेलु मैदानमा एभर्टनलाई जित दिलाउन माइकल केन, एन्ड्रोस टाउनसेण्ड र डेमाराई ग्रेले १-१ गोल गरे । बर्नलीका लागि बेनमीले १ गोल गरे ।

जितसँगै एभर्टन तालिकाको चौथो स्थानमा उक्लिएको छ । उसको चार खेलबाट १० अंक भएको छ । पराजित बर्नली समान चार खेलबाट एक अंकसहित १८औँ स्थानमा छ ।

प्रकाशित मिति : २९ भदौ २०७८, मंगलबार ७ : ४५ बजे

प्रतिक्रिया