काठमाडौ– निर्माता तथा निर्देशक दिनेश पाख्रिनले २०६३ सालमा निर्माण गरेको फिल्म ‘मिस्टर डन’ को सिक्वेल ‘डन २’ निर्माण हुने भएको छ । पाख्रिनकै निर्देशनमा बन्न लागेको फिल्ममा समावेश हुने गीत ‘बग्यो त्रिशुली’को शुक्रबार गीत रेकर्ड गरिएको छ ।

विकास चौधरीको संगीत रहेको गीतमा गायक राजेशपायल राईको स्वर तथा हरी उप्रेतीको शब्द छ । गीत पुतलीसडकस्थित मिरा साउण्ड रेकर्डिङ्ग स्टुडियोमा रेकर्ड गरिएको हो ।

दिनेश थापा प्रस्तुतकर्ता रहेको फिल्मको निर्मातामा निर्मल लामा, विक्रम तामाङ र हेलेन पाख्रिन छन् ।

दिनेश पाख्रिनकै कथा रहने फिल्मको कलाकार फाइनल भइसकेका छन् । गोपालकाजी कायस्थले वितरण गर्ने फिल्म दशैंपछि फ्लोरमा जानेछ । फिल्म एक्सन जनराको हुनेछ ।