काठमाडौँ- गत वर्ष सिन्धुपाल्चोकको लिदीमा गएको पहिरोले विस्थापित भएका परिवारलाई अस्थायी बासस्थान निर्माण गरिएको छ ।

अस्थायी रुपमा पालमा बसोबास गर्दै आईरहेका २८ परिवार तथा विपद् जोखिममा रहेका अन्य घरपरिवारलाई समेत सुरक्षित स्थानमा स्थानान्तरण गर्ने उद्देश्यका साथ जुगल गाउँपालिका तथा नेपाल पुनर्निर्माण प्राधिकरण जिल्ला कार्यान्वयन ईकाइको सहयोगमा बासखर्क ईलाकामा नेपाली सेनाले आफ्नो दक्ष जनशक्ति प्रयोग गरी १३ वटा अस्थायी बासस्थान निर्माण गरेको छ ।

जिल्ला प्रशासन कार्यालय, सिन्धुपाल्चोकबाट स्थानीयवासीहरूको सहभागितामा नेपाली सेनाबाट निर्माण कार्य सम्पन्‍न गराउन अनुरोध भएअनुरुप यही असार १६ गतेबाट नेपाली सेनाको श्री गोरखबक्स गणबाट ५१ जनाको टोली (दक्ष जनशक्तिसहित) उक्त स्थानमा परिचालित छ ।

४५ वटा अस्थायी घर बनाउने योजना रहेको उक्त परियोजनाको लागि आवश्यक पर्ने सम्पुर्ण निर्माण सामग्री जुगल गाउँपालिकाले उपलब्ध गराएको छ भने नेपाल पुनर्निर्माण प्राधिकरण जिल्ला कार्यान्वयन ईकाइले प्राबिधिक सहयोग उपलब्ध गराएको छ ।

उपलब्ध हुनुका साथै सैनिक र नागरिकबीचको सम्बन्ध थप सुदृढीकरण हुने विश्वास नेपाली सेनाले लिएको छ ।