दोहा- ओमानमा रहेको नेपाली दूतावासले घुम्ती सेवा शुरू गर्ने भएको छ ।

दूतावासका अनुसार आगामी असार ११ गते तद्अनुसार २५ जुन २०२१ शुक्रबार दोफार प्रशासनिक क्षेत्रमा घुम्ती सेवा शुरू गर्ने जनाएको छ ।

उक्त प्रशासनिक क्षेत्रमा रहेका नागरिकहरूलाई भिसा, राहदानी नवीकरण, अधिकृत वारेसनामालगायत श्रमिकसँग सम्बन्धी विविध अत्यावश्यक कन्सुलर सेवाहरू प्रदान गर्ने जनाइएको छ ।

घुम्ती सेवा लिनका लागि चाहिने आवश्यक कागजात तथा दस्तुरसम्बन्धी विवरण दूतावासको वेबसाइटमा हेर्न सकिने  सूचनामा उल्लेख गरिएको छ ।

घुम्ती सेवाको लागि बिहान ११ बजेदेखि बेलुकी ५ बजेसम्म अनिल रानालाई ९२०७५०७१ वा दूतावासको हटलाइन नम्बर ७१५९२४९० सम्पर्क गर्न सकिने जनाएको छ ।