काठमाडौँ– पाकिस्तान सरकारले चिनियाँ नागरिकलाई दुई बर्ष भिसा म्याद थप गर्ने तयारी गरेको छ ।

चिनियाँ पाकिस्तान आर्थिक कोरिडोर परियोजनामा कार्यरत चिनियाँ कर्मचारीलाई दुई बर्ष भिसा म्याद थप गर्न लागिएको हो ।

आन्तरिक मन्त्रालयले चिनियाँ नागरिकहरुको भिसा म्याद लम्ब्याउन र संसद समितिमा निर्णय प्रस्तुत गर्न सरकारलाई आग्रह गरेको छ ।

पाकिस्तान सरकारले चिनियाँ कर्मचारीको भिसा म्याद र परियोजना सम्पन्न हुने समयलाई एकै रुपमा स्वीकृती दिने योजना बनाएको बताइएको छ ।

जसले परियोजना पूरा नभएसम्म भिसा म्याद थपको कुनै आवश्यकता नपर्ने समाचारपत्र द ट्रिब्युन एक्प्रेसले जनाएको छ । पाकिस्तानमा चिनियाँ नागरिक व्यापारिक भिसामा आउने र सोही ठाउँमा नोकरी गर्ने भएकाले भिसा नवीकरण र स्वीकृतिमा समय लाग्ने बताइएको छ ।

यधपी, चिनियाँ नागरिकहरु व्यापारिक भिसामा पाकिस्तान आएर यहीँ नोकरी गर्नु भिसा नीतिको विपरित कार्य हो । सन् २०१९ मार्च देखि २०२१ सम्म करिब ६२ हजार चिनियाँ नागरिकहरुले पाकिस्तानी भिसाका लागि आवेदन दिएको र नौ हजार जनाले भिसा नवीकरणको आवेदन दिएको अध्यागमन विभागले जनाएको छ । स्रोत : याहु न्युज