रियलले ग्रानडालाई ४-१ गोल अन्तरले हरायो

३१ बैशाख २०७८, शुक्रबार

पढ्न लाग्ने समय : < 1 मिनेट

काठमाडौँ– स्पेनिस ला लिगा फुटबलमा साविक विजेता रियल मड्रिडले सहज जित निकालेको छ ।

बिहीबार राति भएको खेलमा रियलले ग्रानडालाई ४-१ गोल अन्तरले पराजित गरेको हो ।

रियललाई जित दिलाउन लुका मोड्रिच, रोड्रिगो,अल्भारो ओड्रीओजोलो र करिम बेन्जिमाले एक एक गोल गरे ।

ग्रानडाका जोर्गे मोलिनाले एक गोल फर्काए ।

यो जितसँगै रियल दोस्रो स्थानमा उक्लिएको छ । रियलले उपाधि होड जिवितै राखेको छ ।

रियलले ३६ खेलमा ७८ अंक जोडेको छ । शीर्ष स्थानको एट्लेटिको मड्रिडको ८० अंक रहेको छ ।

ग्रानडा ४५ अंक जोडेर दशौँ स्थानमा छ ।

प्रकाशित मिति : ३१ बैशाख २०७८, शुक्रबार ८ : २६ बजे

प्रतिक्रिया